Алматыда Chrysler жол бойында тұрған үш көлікті "талқандады"

Медеу ауданында жаппай жол апаты болды, деп хабарлайды Bugin.kz порталы Zakon.kz сайтына сілтеме жасап.

Chrysler жүргізушісі Сәтбаев көшесімен батыс бағытта келе жатып, Назарбаев даңғылына жете бергенде рөлге ие бола алмай, жол бойында тұрған үш көлік пен мопедті жапырып өткен.

Аталған жол апатының видеосы әлеуметтік желіде пайда болды.

Алматы қалалық ПД-ның хабарлауынша, жол апаты кезінде адамдар зардап шеккен жоқ.

Жол-көлік оқиғасын Медеу ауданының ПБ қызметкерлері тергеуге кірісті.