Көктем

Анна Ахматова

Авторларды қолдау орталығы

mediabugin@gmail.com

Даусым әлсіз, бірақ еркім өр кеуде,

Махаббатсыз бір жеңілдік бойымда.

Биік аспан, тау самалы кеудемде,

Кірден ада, тазарғандай ойым да.

Ұйқысыздық менен жырақ кеткендей,

Жамылмаймын қайғы-мұң көрпесіне.

Сағат тілі үрейлене күткендей,

Айналмады ажалдың жебесіне.

Өткен күндер билігі жоқ жүрегімде!

Еркін күндер жақын қалды. Кештім бәрін.

Күн сәулесі ойнақшып, түрленуде,

Шырқап келем көктемнің жеңіл әнін.

Аударған: Мира Сембайқызы