Bugin
Фото: gov.kz
Қарағанды облысындағы жылу электр орталығына қазандықтарын күрделі жөндеуден өткізбегені үшін «АрселорМиттал Теміртау» компаниясына 1 миллион теңге айыппұл салынды, Бұл туралы Bugin.kz тілшісі Zakon.kz сайтына сілтеме беріп хабарлайды.
Энергетика министрлігі Ядролық және энергетикалық қадағалау және бақылау комитетінің Қарағанды облысы бойынша департаментінің мәліметінше, департамент бірқатар өрескел қателерге байланысты «АрселорМиттал Теміртау» АҚ ЖЭО-2-ге дайындық актісін беруден бас тартқан.
Басқарма АМТ ЖЭО қазандықтарын күрделі және орташа жөндеу жұмыстарының кестесін бұзғанын баса айтты. Таза газ қорабын орнату кезінде компания тот баспайтын болаттың орнына қара металды пайдаланған. Сондай-ақ, компания 16 жылдан астам жұмыс істеп тұрған қондырғыларды ауыстырмаған. Елеулі ақауы бар 12 коллектор да ауыстырылмаған. Қазандық цехында газ құбырын жылу оқшаулау және шатырды жөндеу жұмыстары аяқталмаған.
Балерке ӘСІЛХАН
Қосымшаны жүктеп алыңыз
