1 миллиард теңге ұрлады деп күдікке ілінген лауазымды тұлғалар ұсталды

"Қазспецэкспорт" РМК лауазымды тұлғалары ұсталды. Бұл туралы Bugin.kz тілшісі Қаржы мониторингі агенттігінің баспасөз қызметіне сілтеме жасап хабарлайды.

Қаржы мониторингі агенттігі Бас әскери прокуратураның келісімімен "Қазспецэкспорт" РМК-ның лауазымды тұлғалары мен олардың бақылауындағы заңды тұлғалардың басшылары ұсталғанын хабарлады.

"Олар мемлекеттік қорғаныс тапсырмаларын орындау шеңберінде бағаны көтеру арқылы әскери және әскери-техникалық тауарларды сатып алу кезінде бір миллиард теңгеге жуық бюджет қаражатын ұрлады деген күдікке ілінді. Сотқа дейінгі тергеу басталды", - делінген хабарламада.