Оралдық хирург тігудің жаңа әдісін ойлап тапты

Батыс Қазақстан облысында онколог-хирург ас қорыту мүшелеріне жасалған операцияны жақсартты. Ол операциядан кейінгі асқынулардың қаупін айтарлықтай төмендететін өзінің тігіс әдісін әзірледі. Бұл туралы Bugin.kz тілшісі «Хабар 24» телеарнасының сюжетіне сілтеме жасап хабарлайды.

"Тайман тігісі" деп аталатын тігісті бүгінде жергілікті хирургтар сәтті қолданады. "Анастомоздар асқазан, өңеш, Льюис операциясы, Герлок операциясы толық жойылған кезде өте күрделі операцияларда жасалады. Біз зерттеу жүргіздік. Үш жыл ішінде 100-ге жуық науқасқа операция жасадым. Өз әдісіммен жақсы нәтижеге қол жеткіздім", - дейді хирург-онколог Тайман Аманов.

Мамандардың айтуынша, жаңа әдістемені қолдану операциядан кейінгі асқынулардың санын азайтып, емдеу динамикасын жақсартқан. Операция уақыты да қысқарды.

"Егер бұрын бұл операциялар классикалық тігіс түрімен 3,5 сағатқа жуық уақытты алатын болса, енді бұл әдіс арқылы екі сағат 15 минутқа дейін қысқартуға болады. Толық талдау жұмыстарының барысында жаңа әдіс оң нәтиже береді.Сондықтан біздің емделушілердің отадан кейін қалпына дұрыс келуіне толық мүмкіндігі бар деп ойлаймын», - деді Батыс Қазақстан облысы онкологиялық диспансері директорының орынбасары Зибагүл Бағжан.

Өңірде жыл сайын 200-ге жуық батысқазақстандықтар асқазан және өңеш қатерлі ісігі анықталады. Оның 60 пайызы паллиативтік ота жасайды. Өңірде онкологиялық аурулар төрт пайызға артқанын статистика көрсетіп отыр.