АҚШ пен Қытай: екі алып не үшін бірікпек?

Қытай басшысы Си Цзиньпин ресми іс-сапармен АҚШ-қа барды. Бұл — Қытай мен АҚШ басшыларының биылғы алғашқы кездесуі және Си Цзиньпиннің соңғы алты жылдағы алғашқы сапары. Бұл туралы Bugin.kz тілшісі CNN ақпараттық агенттігіне сілтеме беріп хабарлайды.

Қытай басшысының ұшағы қонған Сан-Францискода Азия-Тынық мұхиты экономикалық ынтымақтастығы (АТЭС) басшыларының бейресми кездесуі өтеді. Ол жерде Си Цзиньпин мен Джо Байденнің екіжақты кездесуі де жоспарланған.

Көшбасшылардың әңгімесі Қытайдың пандемиядан кейінгі экономикалық қиындықтары аясында өтеді.

"Си мырза Джо Байденнің АҚШ-тың сауда соғысын немесе технологиялық бәсекелестігін дамытпауын экономикалық шиеленіскен шаралар қабылдамайтынына кепілдік беруін қалайды", - деп жазады BBC.

Бейжің АҚШ-тың Қытай импортына салынатын тарифтеріне, қытайлық компанияларды қара тізімге енгізгеніне және Қытайдың озық чип технологиясына қол жеткізуін шектейтініне қатты шағымданды.

Кездесу Силикон алқабының және әлемнің жетекші технологиялық компанияларының шоғырланған Сан-Францискода өтеді. Сарапшылар мұны да маңызды факт деп санайды. Ел басшылары жасанды интеллект мәселесін талқылайтын жұмыс тобын құру туралы хабарлауы мүмкін деген болжам бар. Қытайлықтар оны американдықтарды АҚШ-тың технологиялар экспортына шектеулерді ұзартпауға көндіру үшін пайдаланады деп үміттенеді.

Тағы бір маңызды мәселе —Тайваньдағы жағдай. Жақында ол жерде сайлау болады. Ал Қытай шенеуніктері АҚШ-ты тәуелсіз Тайваньға қолдау көрсетуден бас тартуға көндіруге тырысуда.

Би-би-си Си Цзиньпиннің Сан-Францискода АҚШ басшыларымен жеке кешкі асқа қатысатынын да білді. Қытай басшысымен кездесу тегін емес. Телекомпанияның мәліметінше, Симен бір үстелге 40 мың доллар төлеп  отыруға болады. Жалпы кешкі ас билеттері бір адамға 2000 доллардан басталады.

Джо Байденнің өзі Америка Құрама Штаттары кездесуден не күтетінін бір күн бұрын айтты. CNN арнасының мәліметінше, АҚШ басшысы дағдарыс жағдайында екі басшы ылғи ақылдасуын және әскери ынтымақ орнауын қалайды.