Маңғыстаулық келіншек әйелдерді алдап, 3 млрд теңге жинаған

Маңғыстауда Қытайдан төмен бағаға ыдыс-аяқ алдырып беремін деп, тұрғындарды 3 млрд теңгеге алдаған 39 жастағы әйел қамауға алынды, деп хабарлайды Bugin.kz порталы Kazinform сайтына сілтеме жасап.

39 жастағы келіншек WhatsАpp желісінде топ ашып, Қытайдан төмен бағаға ыдыс-аяқ жеткізетіні туралы хабарлаған. Тауарды жеңілдікпен алу механизміне мүмкіндігінше тапсырыс берушілерді көптеп тартқан.

Қазіргі уақытта келтірілген материалдық шығын көлемі 3 млрд теңгеге жеткен.

Бұл дерек бойынша қылмыстық кодекстің 190-бабы 4-бөлігі (Аса ірі мөлшердегі алаяқтық) бойынша сотқа дейінгі тергеп-тексерудің бірыңғай тізілімінде тіркелді. Қазір 39 жастағы әйел қамауіа алынып, тергеу жүргізіліп жатыр", - деп мәлім етті Маңғыстау облысы Полиция департаментінің баспасөз қызметінен.