Ауа райының күрт салқындауына байланысты күтпеген мәлімдеме жасалды

Өткен демалыс күндері Қазақстанның солтүстігінде құтқару қызметтері үшін қиын болды. Бұл туралы Bugin.kz тілшісі Petropavlovsk.news сайтына сілтеме жасап хабарлайды.

Солтүстік Қазақстан облысының төтенше жағдайлардың алдын алу басқармасының бастығы, азаматтық қорғау подполковнигі Сәкен Ағзамовтың айтуынша,18 қарашада облыстағы 11 ауданда электр қуаты үзілген.

"217 елді мекен немесе 33 мың абонент жарықсыз қалды. Қазіргі уақытта қалпына келтіру жұмыстары жүргізілуде. 20 қараша күні таңертең 10 аудан жарықсыз қалды, бұл 150 елді мекен немесе 21 мыңнан астам абонент", - деді ол.

Республикалық жолдардың тоғыз учаскесі жабылды. Солтүстік Қазақстан облысының Айыртау, Тимирязевский және Мағжан Жұмабаев аудандарында демалыс күндері мал іздеуге шыққан үш ер адам жоғалып кеткен. Ауа райының күрт нашарлауына байланысты олар бағдарсыз қалды. Дегенмен жақын маңдағы елді мекендерге жетіп үлгерді. Сондай-ақ осы екі күн ішінде құтқарушыларға Шал ақын ауданындағы арыққа тайып кеткен Газельді құтқарып, ауа райының қолайсыздығынан 60-тан астам адам орналастырылған үш аумаққа төрт жылу пунктін орнатуға тура келді.