Қырғызстан Қазақстанмен жылына 1 миллиард долларға сауда жасамақшы

Қырғызстанның Сыртқы істер министрі Шыңғыс Айдарбеков екі жыл ішінде Қазақстанмен тауар айналымын 1 милиард долларға дейін ұлғайтудың маңыздылығын атап өтті.

"Біз екі жақтың экономикалық ынтымақтастығын, сауда-саттық және инвестиция мәселелерін егжей-тегжейлі талқыладық және мемлекет басшыларының берген тапсырмасы бойынша екі жыл ішінде сауда айналымын 1 миллиард долларға жеткізу маңыздылығын атап өттік. Бұл жоғары деңгей", - деді ол Астанада Қазақстан Сыртқы істер министрлігінің басшысымен кездесуден кейін.

Сонымен қатар ол бұл деңгейге жетуге болатынын айтты.  ҚР Сыртқы істер министрі Қайрат Әбдірахмановтың айтуынша, екі ел арасындағы өзара сауда 7 айда 18 пайызға артып, 500 миллион долларға жеткен.

Дереккөз: tengrinews.kz