Боранда жоғалып кеткен Батыс Қазақстан тұрғынының жағдайы белгілі болды

БҚО Полиция департаменті полицейлердің 22 қараша күні жоғалып кеткен ер адамның денесін тапқанын мәлімдеді, деп хабарлайды Bugin.kz порталы Zakon.kz сайтына сілтеме жасап.

22 қараша күні кешкісін полицияға Теректі ауданы, Ақжайық ауылында 1961 жылы туған ер адам жоғалып кеткені туралы хабарлама түскен. Ол сағат 10:00-де жұмыстан шығып, үйіне оралмаған. Сол күні боран болды. Іздеуге тікұшақ жұмылды.

"24 қарашада Ақжайық ауылынан 10 шақырым жерде зорлық-зомбылық белгілері жоқ жоғалған ер адамның денесі табылды. Өлім себебін анықтау үшін мәйіт сараптамаға жіберілді", - делінген хабарламада.