Ауырмаса, қауіпті: дәрігер қатерлі ісікті қалай анықтауға болатынын айтты

Дене адамға ауырсыну арқылы күйзеліс сигналдарын береді. Қатерлі ісікте бұл сигнал жұмыс істемеуі мүмкін.  Қандай белгілер арқылы қатерлі ісік барын білуге болатынын Bugin.kz тілшісі Доктор Питерге сілтеме жасап хабарлайды.

Уролог-хирург Марк Гадзианның айтуынша, зәрдегі қанның пайда болуы несеп-жыныс жүйесінің әртүрлі ауруларының симптомы болуы мүмкін. Дәрігерлер оны макрогематурия деп атайды. Дәрігердің айтуынша, бұл мәселемен көптеген пациенттер келеді. Дегенмен, егер адам зәр шығару кезінде ауырсынуды сезінбесе, бұл симптом ең қауіпті болады. Урологтың айтуынша, бұл қатерлі ісік ауруының белгісі болуы ықтимал.

"Аурусыз қан шығу 80-90 пайыз жағдайда несеп шығару жолдарының бір жерінде ісік бар екенін білдіреді. Ал 99 пайызында қатерлі құбылыс. Көбінесе бұл қуық, бүйрек жамбас немесе несепағар ісігі, бүйрек ісігі, паренхима, қуық асты безінің қатерлі ісігі болуы мүмкін», - деп ескертті дәрігер.

Әрбір адам сақ болуы керек, әсіресе темекі шегетін адамдарда бұл симптом жиі кездеседі. Маман, егер адам зәрінде ауырсынусыз қанды байқаса, шұғыл түрде дәрігермен кеңесіп, тексеруден өтуге шақырды. Онкологияда ауруды ерте анықтамау адам өмірін қиюы мүмкін.

Марк Гадзианның айтуынша, ерлерде қуық асты безінің аденомасының немесе қатерлі ісігінің даму қаупі жасы ұлғайған сайын артады. Жасы ұлғайған сайын қауіп соғұрлым жоғары болады. Маман атап өткендей, АҚШ пен Еуропада қуық асты безінің қатерлі ісігі ерлер арасындағы қатерлі ісік ауруларының құрылымында бұрыннан бірінші орында. Сондықтан, 40 жастан бастап уролог ер адамдарға зәр шығаруды бақылауға және жүйелі түрде қан анализін тапсыруға кеңес берді.

Марк Гадзиан ер адамдарға түнде дәретханаға жиі баруға және қуықты босатудағы қиындықтарға назар аударуды ұсынады.