Әрбір қазақстандыққа өтемақы төленетіні рас па?

Алаяқтар әлеуметтік желіде Мемлекет басшысы Қасым-Жомарт Тоқаевтың суретін пайдалана отырып, тағы бір фейк таратып жатыр, деп хабарлайды Bugin.kz поталы Zakon.kz сайтына сілтеме жасап.

Stopfake.kz мәліметінше, Facebook-те ҚР Президентінің суретін жүктей отырып, алаяқтар жалған ақпарат таратуда. Қасым-Жомарт Тоқаевтың атынан алаяқтар әрбір қазақстандыққа әлеуметтік төлем төлеуді әде етеді. 

Фейк авторлары жыл соңына дейін әрбір қазақстандықтың картасына 150 мың теңгеден түсетінін нақтылайды. Мұнысы анық болуы үшін Қамыс-Жомарт Тоқаевтың суретін де жазбада пайдаланады. Алайда Қазақстанның мемлекеттік органдарының сайттарында, оның ішінде ҚР Президентінің akorda.kz сайтында мұндай төлемдер туралы ресми ақпарат жоқ. Бұл туралы бұқаралық ақпарат құралдарында да хабарланбады.