Заңға қандай өзгеріс енгізілді?

Мектеп, балабақша жоқ аудандарда көпқабатты үй салуға тыйым салынады. Мәжіліс осындай норма енгізілген заңды қабылдады. Бұл туралы Bugin.kz тілшісі Qazaqstan.tv телеарнасына сілтеме жасап хабарлайды.

Мәжіліс депутаты Асхат Аймағамбетов:

"Заң жобасында 30 жылдан көп пайдаланып келе жатқан мектеп, балабақша мен колледждердің ғимараттарын әр 5 жыл сайын апаттылық қаупі бойынша тексеру туралы норма ұсынылды. Тағы бір проблема – кішкентай балалардың терезелерден құлауы. Соңғы екі жылда жүздеген бала терезеден құлаған. Осыған орай заң жобасымен терезелерді арнайы қауіпсіздік механизмдерімен немесе құлыптарымен қамтамасыз ету міндеттеледі. Сондай-ақ заң жобасына жаңа талап енгізілді. Енді мектеп, балабақша мен аурухананы салмай жатып, көпқабатты тұрғын үй құрылысына рұқсат берілмейді", - деді.