Ақтөбеде жоғалған үш қыз туралы тың дерек шықты

Ақтөбеде жергілікті бейімдеу орталығынан қашып кеткен үш қыз табылды, деп хабарлайды Bugin.kz порталы Tengrinews.kz сайтына сілтеме жасап.

Бұған дейін Ақтөбеде үш жасөспірім қыз іздестіріліп жатқаны хабарланған болатын.

Ақтөбе облыстық Полиция департаменті баспасөз қызметінің хабарлауынша, кеше сағат 23:00 шамасында "Аяла" өмірлік қиын жағдайдағы балаларды қолдау орталығының тәрбиешесі хабар берген. 2006 жылы туған үш қызды полиция мен еріктілер іздеді.

Іздеу шаралары барысында үш қыз пәтерден табылды. Қазіргі уақытта кәмелетке толмаған қыздар Ақтөбе полиция бөлімшесінде.