Ақтөбе облысында мас тракторшы әйелді екі рет басып өлтірген

Ақтөбе облысында мас тракторшы әйелді екі рет басып өлтірген, деп хабарлайды Bugin.kz порталы Stan.kz сайтына сілтеме жасап. 
 

37 жастағы кіші қызметкер трактор рөлін басқарып, әріптес әйелмен бірге азық-түлік пен алкоголь алуға барған.

Қайтар жолда олар алкоголь ішкен. Шаруа қожалығына келгеннен кейін олар ұрысып қалған. Әйел шығып, жерге жатып алған, ал трактор жүргізушісі оны айналып өту үшін артқа жүрмек болып, бірақ алға қарай жүріп, жатқан әйелді алдыңғы дөңгелегімен мыжып кеткен. Осыдан кейін мас адам артқы жылдамдықты қосып, жәбірленушіні тағы бір рет басып өтті. Оның қабырғасы сынып, бауырынан қан кетіп, жарылған. Тағы да жарақаттар алып, ол көз жұмды. 

Ер адамға көлік жүргізуге болмайтын, өйткені ол 2021 жылы жеті жылға жүргізуші куәлігінен айырылған.

Сот ер адамды алты жылға бас бостандығынан айырды.