Мұхамедиұлының ісі бойынша жаңа ақпарат шықты

Мұхамедиұлының ісі бойынша жаңа сот отырысы басталды, деп хабарлайды Bugin.kz порталы Zakon.kz сайтына сілтеме жасап.

2023 жылдың 21 желтоқсанында бұрынғы Мәдениет және спорт министрі Арыстанбек Мұхамедиұлына қатысты жаңа сот процесі аясында алдын ала тыңдаулар өтіп, сот екі эпизодты бір процеске біріктірді.

Астана қаласының қылмыстық істер жөніндегі ауданаралық сотында Арыстанбек Мұхамедиұлының ісі бойынша алдын ала тыңдау өтті.

Сот екі эпизодты бір сот ісін жүргізуге біріктірді: біріншісі, "Алтын адамның шеруі" көрмесін өткізуге қатысты тергеу деректері бойынша жаңа мән-жайлардың пайда болуына қатысты; екіншісі – Астанадағы "Дипломат" қонақүйін иемдену кезінде қиянат жасау және рейдерлік әрекет.

Астаналық адвокаттар алқасының адвокаты Айгүл Исмағұлованың айтуынша, сот отырысында жеті адам отыр. Алдын ала тыңдау кезінде бес адам тікелей сот залында болды: Арыстанбек Мұхамедиұлы, Абай Сатыбалдин, Леонид Кочетов, Алмас Нұразхан және Азамат Көшенов және тағы екі айыпталушы - Айым Сәдуақасова мен Гүлзат Жуаспаева конференц-байланыс арқылы онлайн режимінде қатысты.