"Боран, көктайғақ": Жаңа жылда ауа райы қандай болады?

Қазақстан аумағы бойынша 2023 жылғы 28-30 желтоқсанға ауа райы болжамы жарияланды, деп хабарлайды Bugin.kz порталы синоптиктерге сілтеме жасап.
 
Жаңа жыл күндері Қазақстанның барлық аумағында ауа райы тұрақсыз болмақ.

"Қазақстанның бүкіл аумағының ауа-райына Атлантикалық циклон өз әсерін сақтап, жаңбыр мен қар түрінде жауын-шашын жауады. Боран, көктайғақ және екпінді жел 15-28 м/с болады. 29-30 желтоқсанда солтүстік және оңтүстік өңірлерде өте қатты жел болады деп болжанды. 30 желтоқсанда еліміздің солтүстік-батысында, солтүстігінде және орталығында түнде ауа температурасы 7-15 аязға дейін, республиканың оңтүстігі мен оңтүстік-шығысында 3-13 аязға дейін төмендейді", делінген хабарламада.