Қазақстандық кәсіпкер сібір жарасын жұқтырған малдың етін сатқан

Қазақстандық кәсіпкерге сібір жарасын жұқтырған ет өнімдерін сатқаны үшін айыппұл салынды,  деп хабарлайды Bugin.kz порталы "Opennews.kz" ақпарат агенттігіне сілтеме жасап.

"Талас аудандық сотында ӘҚБтК-нің 425-6. 2-6. (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтерді бұзу) бойынша жеке кәсіпкер С.-ға қатысты әкімшілік іс қаралды", - делінген Талас аудандық сотының баспасөз қызметінің хабарламасында.

Сотта анықталғандай, 2023 жылдың тамыз айында ет өнімдерін сатумен айналысатын кәсіпкер сібір жарасын жұқтырған етті өткізіп, сол арқылы халықтың санитариялық-эпидемиологиялық салауаттылығы саласындағы заңнама талаптарын, сондай-ақ гигиеналық нормативтерді бұзған, нәтижесінде адам денсаулығына зиян келтірген.

Сотта С. өз кінәсін толығымен мойындады.