Пиротехникалық бұйымдарды сатқандарға қанша млн айыппұл салынды?

Пиротехникалық бұйымдарды сатқандарға қанша млн айыппұл салынғаны белгілі болды, деп хабарлайды, Bugin.kz порталы Polisia.kz сайтына сілтеме жасап. 

Ведомство мәліметінше, Ішкі істер министрлігі өткен жылдың 25 желтоқсаны мен 2024 жылдың 3 қаңтары аралығында Төтенше жағдайлар министрлігінің азаматтық қорғау бөлімшелері қызметкерлерімен бірлесіп “Пиротехника” жедел алдын алу іс-шарасын өткізген.  Аталған Іс-шара нарықта сертификатталмаған пиротехникалық бұйымдарды сату фактілерін анықтауға және жолын кесуге бағытталған. Іс-шара барысында азаматтық қорғау бөліністері қызметкерлерімен бірлесіп сауда орындарында 4,5 мыңнан астам рейд жүргізілген. Пиротехникалық бұйымдардың айналымы қағидаларының 900-ден астам бұзушылығы анықталған. 

"Бұзақыларға шамамен 40 млн теңгеден астам айыппұл салынды. Іс-шара барысында 12 мыңнан астам сертификатталмаған пиротехникалық бұйым тәркіленді"-делінген хабарламада.