Bugin
Фото: Гелор Канга Габон сапында | Сурет:@fegfoot_gabon/X.com
Габон ұлттық құрамасының жартылай қорғаушысы Гелор Канга Африка футбол конфедерациясының (CAF) тәртіптік комитетіне шақырылды. Ойыншы құжатында жалған мәлімет көрсеткен деген күдік бар. Бұл туралы Bugin.kz тілшісі Republic World сайтына сілтеме жасап хабарлайды.
33 жастағы "Қызыл жұлдыз" жартылай қорғаушысына жалған құжат жасады деген айып тағылды. Конго футбол федерациясы жан-жақты дәлелдер келтірді.
"Құжаттарға сәйкес, Канга 1990 жылы туған, бірақ оның анасы 1986 жылы қайтыс болғаны белгілі болды. Бұл оның жасы дұрыс көрсетілмеген деген күдік тудырады",-делінген хабарламада.
Ойыншы ресми түрде дүниеге келгенге дейін төрт жыл бұрын анасының қалай қайтыс болғанын түсіндіру үшін CAF-пен кездеседі.
Канганың кінәсі дәлелденсе, Габон құрамасы Африка ұлттар кубогына қатысудан шеттетілуі мүмкін.
Балерке ӘСІЛХАН
Қосымшаны жүктеп алыңыз
