Bugin
Фото: Балалар омбудсмені
Кәмелетке толмаған баласын азаптаған әйелдің әрекеті анықталды. Бұл туралы Bugin.kz тілшісі хабарлайды.
Өзбекстанның балалар омбудсменіне Шафирқон ауданында тұратын азамат Л.З. және С.Н. 2 жыл бойы кәмелетке толмаған баласын ұрып-соғып, азаптап жүргені туралы ақпарат түскен. Тіпті деректі дәлелдейтін бейнематериалдар қоса берілген екен.
С.Н. 2022 жылдың наурыз айынан бастап 2023 жылдың қараша айына дейін 2018 жылы туған баласы С.Ф.-ны бесікке байлаған күйінде таяқпен және басқа да заттармен үздіксіз ұрып-соғып, азаптап отырған.
Жағдайға байланысты әйелге қатысты Қылмыстық кодекстің 110-бабы 2-бөлігінің "а, в" тармақтары бойынша (кәмелетке толмаған адамды, жағдайы анық әлсіз адамды азаптау) қылмыстық іс қозғалды. Қазір Шафирқон аудандық ІІБ алдын ала тергеу амалдарын жүргізіп жатыр.
Балерке ӘСІЛХАН
Қосымшаны жүктеп алыңыз
