Bugin
Авторларды қолдау орталығы
mediabugin@gmail.comФото: Видеодан кадр. kun.uz
Сенбі күні кешке Ауғанстан мен Тәжікстан шекарасына жақын жерде Falcon 10 жеке ұшағы апатқа ұшырады. Дереккөздердің хабарлауынша, жолаушылар – Анатолий мен Анна Евсюковалар. Анатолий Евсюков Ростов облысының ірі кәсіпкері болған. Бұл туралы Bugin.kz тілшісі шетелдік БАҚ-қа сілтеме жасап хабарлайды.
Falcon 10 ұшағы 20 қаңтарда жергілікті уақыт бойынша сағат 19:00 шамасында Тәжікстанның Колоб қаласындағы әуежайға бара жатқанда радардан жоғалып кеткен. Дереккөздердің хабарлауынша, шамамен сағат 19:05-те экипаж жанармайдың аздығына байланысты төтенше жағдай жариялап, Колоб әуежайына жоспардан тыс қонуға шешім қабылдады. Кейін экипаж бірінші қозғалтқыштың, кейін екінші қозғалтқыштың істен шыққанын хабарлаған.
Оқиға Ауғанстанның шалғай аймағында, елдің ең солтүстік нүктесінде орын алған. Reuters агенттігінің хабарлауынша, құтқару тобының апат орнына жетуі үшін 12 сағаттан астам уақыт қажет аймақ екен.
Росавиацияның хабарлауынша, ұшақ Үндістанның Гая қаласынан Мәскеу облысындағы Жуковский әуежайына ұшып, жанармай құю үшін Өзбекстан астанасы Ташкентте аялдауға мәжбүр болған.
Алғашында ұшақ "Газпромавиа" компаниясына тиесілі екені хабарланды. Бірақ Росавиация РА-09011 мемлекеттік нөмірі бар бұл ұшақтың иесі "Атлетик Групп" жауапкершілігі шектеулі серіктестігі және "жеке тұлға" екенін хабарлады. Atletik Group бас директоры Екатерина Агапова RT-ке компанияның бұл ақпаратты қазір тексеріп жатқанын айтты.
Ресей билігіне жақын Telegram арналары апат кезінде ұшақта төрт экипаж мүшесінен басқа Анатолий мен Анна Евсюковалардың болғанын жазды.
Ростов облысындағы басылымдар Волгодонск қаласынан келген кәсіпкер Анатолий Евсюков туралы бірнеше рет жазған.