Тоқаев Алматы тұрғындарына үндеу жасады

Қасым-Жомарт Тоқаев  Алматы қаласында сейсмикалық қауіпсіздік мәселелері жөнінде кеңес өткізді, деп хабарлайды Bugin.kz порталы Ақордаға сілтеме жасап.

Қасым-Жомарт Тоқаев жиындағы сөзін қорытындылай келе, Алматы қаласының тұрғындарына үндеу жасады.

"Сабыр сақтаңыздар және әр нәрсеге байыппен қараңыздар. Дүрбелеңге салынып, түрлі қауесет пен жалған ақпаратты қасақана тарататын арандатушылар мен жауапсыз адамдардың жетегіне еріп кетпеңіздер. Нағыз алматылықтар әрқашан ақыл-парасатымен және ұстамдылығымен ерекшеленген. Ел басшылығы сіздердің қауіпсіздіктеріңізді қамтамасыз ету үшін қолдан келгеннің бәрін жасайды. Оған күмән болмасын. Алматылықтардың талап-тілегі әрдайым біздің басты назарымызда", – деді Президент.

Тағы оқыңыздар:

Тоқаев: "Сейсмикалық жаттығу мен семинардың түк пайдасы болмады"