Түркістанда екі бухгалтер 1,8 млрд теңге қаржы жымқырған

Түркістан облысында екі білім бөлімінің есепшілеріне қатысты сотқа дейінгі тергеу басталды, деп хабарлайды Bugin.kz порталы Қаржылық мониторинг агенттігіне сілтеме жасап. 

Түркістан облысының қаржылық агенттігі Мақтаарал ауданының білім бөлімінің бухгалтерлеріне қатысты сотқа дейінгі тергеуді бастады. Олар 1,2 млрд теңгеге және Бәйдібек ауданының білім бөлімінің 600 млн теңге болатын мүлкін иемденді деген күдікке ілінген. 

Екі аудан бойынша мемлекетке келтірілген залалдың жалпы сомасы 1,8 млрд теңгеден асады. 

Күдіктілер анықталды, олар 2020 жылдан 2023 жылға дейін "1С:Бухгалтерия" бағдарламасында карточкалық шоттар мен орта білім беру мектептері қызметкерлерінің жеке сәйкестендіру нөмірлерінің (ЖСН) орнына олармен үлестес, яғни таныс адамдардың ЖСН нөміріне енгізіп отырған. 

Тінту жүргізілді, жылжымалы және жылжымайтын мүлікке қатысты тыйым салынған. Іс фигуранттары 120 млн теңге сомасына келтірілген залалды өз еркімен өтеді.