"Бейіттің жанында тұрмын": Адасып кеткен ер адамның денесі табылды

Жылыойда жоғалған адамның денесі табылды, деп хабарлайды Bugin.kz порталы.

Бұл туралы облыстық полиция департаменті мәлім етті. 

"24 қаңтар күні Жылыой аудандық полиция бөлімінің учаскелік полиция инспекторлары жедел-іздестіру жұмыстары кезінде Ақкиізтоғай ауылы маңынан 9 қаңтар күні тұрғылықты мекен-жайынын шығып, қайта оралмаған 1985 жылы туған аудан тұрғынының мүрдесін анықтады. Қазіргі таңда сот-медициналық сараптамасы тағайындалды",- делінген хабарламада.

 Із-түссіз жоғалған адам 9 қаңтар күні сағат 22:30 шамасында “коммунизм таңы жанындағы бейіттің қасында келе жатырмын, адасып кеттім” деп анасына хабарласқан болатын.