"Кедей әйел босанса баласын өлді деп, сатып отырған": Қымбат Досжан дәрігерлердің сұмдық ісін әшкереледі

Журналист Қымбат Досжан дәрігерлерге қатысты тың ақпаратты бөлісті, деп хабарлайды Bugin.kz порталы "Сұрауы бар" YouTube арнасына сілтеме жасап.

Қымбат Досжан 2000 жылдары дәрігерлер баласын тастап кететін аналарға перзентін көрсетпегенін айтты. Тіпті оларды тамақтандыруға да рұқсат бермеген көрінеді. Тіпті жағдайы төмен әйел келіп босанса, баласын "өлді" деп, сатып отырғанын айтты.

"Жағдайы жоқ немесе "көтеріп қойып едім" деп келген, әкесі жоқ, жігіті тастап кеткен келіншектердің перзентін дәрігерлер қайткен күнде де алып қалған перзентханада. Осындай саясат тұрған. "Сен бұл баланы өлтіріп аласың" деп ойын бұзған. Емізуге бермейді. Емізсе ана мен баланың ортасында байланыс орнап, қанша жас болса да "тастамаймын" деуі мүмкін ғой. Соны дәрігерлер өте жақсы білген. Бұл жалғыз Арқалық перзентханасына қатысты емес. Барлық перзентханаға қатысты. Жағдайы жоқ екенін көрді ма, "сенің өкпеңде тесік бар, соны емдеп кел", деп баласын алып қалған оқиға болған. 9 айдан соң емделіп келсе, баласын таппай қалған ана бар. Бұл бизнес",- деді журналист. 

Сонымен қатар Қымбат Досжан осындай оқиғалар әлі де жалғасып келе жатқанын айтты.

"Маған хат келді. Осыдан бір жыл бұрын келіншектің жанында жас әйел босанған. Бірақ келе салып айтқан. "Маған бала керек емес" деп. Ол босанған соң, келіншек перзентін сұраса да бермеген. Көрсетпеген", - дейді ол.