Бердібек Сапарбаев: Биыл көпбалалы аналарға 12 мың пәтер беріледі

Ағымдағы. Бұл туралы бүгін Үкімет отырысында ҚР Еңбек және халықты әлеуметтік қорғау министрі Бердібек Сапарбаев осы жылы көпбалалы аналарға 12 мың пәтер берілетінін айтты. Бұл туралы Inform.kz хабарлайды. 

«Қазіргі таңда елімізде 340 мыңнан астам көпбалалы аналар өмір сүруде. Оларға мемлекет тарапынан көрсетілетін 93 млрд теңгенің әлеуметтік көмегі биыл 820 мыңнан астам адамға беріледі. 1 тоқсанның өзінде 9 млрд теңгеден астам қаржы бөлініп, 280 мыңға жуық қазақстандық қамтылды. Келесі ең өзекті мәселелердің бірі - мұндай отбасыларды жұмыспен қамту. Біздің жоспарымыз бойынша биыл 370 мыңға жуық жаңа жұмыс орны ашылуы керек. Соның кем дегенде 85 мыңы көпбалалы отбасыларға арнап ашылады», - деді министр.

Оның атап өтуінше, осы жылдың 1 тоқсанда Қазақстанда 32 мың жаңа жұмыс орны ашылды. Соның 9 мыңға жуығы көпбалалы аналарға арналған.