“16 жаста”: оқушы қыз өз анасын өлтірді

Ақтөбеде анасын өлтірді деген күдікпен 16 жастағы мектеп оқушысы ұсталды, деп хабарлайды Bugin.kz порталы. 

Ақтөбе облыстық полиция департаменті баспасөз қызметінің ақпаратынша, Қылмыстық кодекстің 99-бабына сәйкес кісі өлтіру бойынша қылмыстық іс қозғалды.

"Күдіктілер – 16 жастағы оқушы қыз бен оның 19 жастағы танысы абақтыға қамалды", — деді полиция департаменті.

Ұсталғандар қыздың анасын өлтірді деген күдікке ілінді. Қазір тергеу жүріп жатыр.

Басқа ақпарат қылмыстық істі тергеу аясында жария етілмейді.