"Жүрегімді тексеріп жатыр": тіл жанашыры Асылы Осман ауруханаға түсті

Филология ғылымының докторы,  қоғам қайраткері, профессор Асылы Осман денсаулығы сыр беріп, ауруханаға түсті, деп хабарлайды Bugin.kz порталы.

Асылы Осман қазіргі жағдайы туралы журналистерге айтты.

"Коронавирус емес шығар. 2-3 күн үйде жөтеліп жатқан едім. Дәрігерлерім "короновирус өршіп жатыр, ауруханаға жатқызайық" деп қоймады. Қазір жақсымын, жөтелуді де қойдым. Бірақ түнде ұйықтай алмадым. Дәрігерлер жүрегімді тексеріп жатыр. Ем-домын қабылдап жатырмын. "Орталық клиникалық ауруханадамын", мұнда бәрі таза, жақсы. Бұйырса бейсенбі не жұма үйге шығатын шығармын, - деді ол Massaget.kz  тілшісіне.