"Жағдайы ауыр болатын": Түркістан облысында оқушы қыз биіктен секіріп кетті

Келес ауданында оқушы қыз 3-қабаттан секіріп кетті, деп хабарлайды Bugin.kz порталы El.kz ақпарат агенттігіне сілтеме жасап.

Қазақстан және шетел жаңалықтарын бірінші болып біздің Telegram арнамыздан оқыңыз!

"Жағдайы ауыр болатын. Бірден жансақтау бөліміне жатқыздық. Тексеру нәтижесінде бас ми жабық жарақаты, жамбас және омыртқаның жабық сынығы анықталды. Алғашқы көмек көрсетіп, емдедік. Қазір сынық-сырқат бөлімінде ем қабылдап жатыр", — деді дәрігер-травматолог Абдусамат Утамуратов. 

Аталған жағдай бойынша Түркістан облысы полиция департаменті өз-өзіне қол жұмсауға дейін жеткізу фактісі бойынша қылмыстық іс қозғады.

"Сараптама тағайындалды. Тергеу барысы полиция департаменті басшылығының бақылауында", -  делінген Түркістан облысы полиция департаментінің баспасөз қызметінің ақпаратында.