“Жойқын жер сілкінісі болады”: Алматыға өңірлерден ТЖД қызметкерлері келіп жатқаны рас па?

Әлеуметтік желілерде жер сілкінісіне қатысты түрлі хабарламалар таралып жатыр, деп хабарлайды Bugin.kz порталы EL.kz ақпарат агенттігіне сілтеме жасап. 

Ол хабарламаларда басқа өңірлердегі Төтенше жағдай департаментінің өкілдері Алматыға шақырылып жатқаны айтылады. Яғни, осы түні жойқын жер сілкінісі болатынына байланысты қосымша көмек қажет етіледі дейді.

Алматы облыстық Төтенше жағдай департаменті өкілдері бұл ақпаратты жоққа шығарды.

"Алматы облысы Төтенше жағдайлар департаменті азаматтардан әлеуметтік желілер мен мессенджерлердегі таралып жатқан жалған ақпаратқа сенбеулеріңізді сұрайды. Тек ТЖМ және ТЖД парақшаларында жарияланған ақпараттарға ғана сенулеріңізді сұраймыз. Дүрбелеңге салынбай, сабырлық сақтаңыз!"- деді ведомство өкілі.