Әуеге көтерілген ұшақтың дөңгелегі сынып кеткен

АҚШ-та Жапонияға ұшып бара жатқан ұшақтың шасси дөңгелегі сынып, түсіп қалған. Салдарынан ұшақ ең жақын орналасқан әуежайға шұғыл қонды, деп хабарлайды Bugin.kz порталв KAZ.NUR.KZ сайтына сілтеме жасап. 

Басылым америкалық БАҚ-қа сілтеме жасап хабарлауынша, United Airlines ұшағы Сан-Францискодан Жапонияға бет алған еді, бірақ жайтқа байланысты Лос-Анджелесте шұғыл қонуға мәжбүр болған. Сол кезде Boeing 777-200 бортында 235 жолаушы, 10 стюардесса және 4 ұшқыш болған. 

"777-200 ұшағында екі негізгі шассидің әрқайсында алты шина бар. Ұшақ бұл шиналар болмағанның я зақымдалғанның өзінде қауіпсіз қона алады", – деп жазады басылым әуе компанияға сілтеме жасап. 

Лос-Анджелес өрт сөндіру қызметінің ақпараты бойынша, экипаж шассиге байланысты ақау анықталғанын хабарлаған соң ұшақ өз бағытын қалаға бұрып, әуежайға аман-есен қонған. Ешкім зардап шеккен жоқ. Жоғалған дөңгелек Сан-Франциско әуежайының аумағынан табылды.