23 наурыз – Тазару күні

Бүгін – Тазару күні, деп хабарлайды Bugin.kz порталы. 

Мәдениет және ақпарат министрлігінің хабарламасына сәйкес, бұл күн қоршаған ортаға қамқорлық жасауға арналмақ.

 
“Наурызнама” онкүндігінің соңғы күні ұлттық экологиялық науқанға арналған. Тазару күні – мемлекеттің экологиялық түйткілдерді шешуге бағытталған іс-шараларына азаматтардың қолдау білдіруі. 

Бұл күн азаматтарға қоршаған ортаны қорғау туралы түсінікті кең таратып, қоғамда экологиялық мәдениетті дамытуға мүмкіндік береді. 

Наурыз мерекесі ертеден табиғат тазалығын сақтауды үндейді. Мерекенің мәні – қыстан көктемге көшу, табиғаттың жаңа өмір бастауы осының нышаны.

Дереккөз: Мәдениет және ақпарат министрлігі