"Күлесің": Бишімбаевқа ескерту жасалды

Бүгінгі отырыста Қуандық Бишімбаев куәлік берді. Бұл туралы Bugin.kz тілшісі Жоғарғы сотқа сілтеме жасап хабарлайды.

"Шындығында, мен үшін сөйлеу өте қиын. Біріншіден, мен түсінемін, кешірім сұраймын. Бұл – менің  адамдық парызым. Мұнда оның (Салтанат Нүкенова – Ә.Б) туыстары, ата-анасынан кешірім сұраймын. Шынымды айтсам, оның өлімін түсіну маған әрқашан өте қиын болды.Мен кешірім сұрағым келеді. Мен кешірім күтпеймін. Бірақ бұл менің ішкі жауапкершілігім . Мен мұны түсінемін. Орны толмас шығын және бұл жағдайларға өзімнің қатысым бар екенін білемін. Бұл бірінші. Екіншіден, мен кінәлі емеспін және өз кінәмді мойындамаймын.  Мен түсіндіргім келеді: мен қасақана жасалған қылмысқа өзімді кінәлі деп санамаймын. .(.. .)

Оның өліміне менің қатысым бар екенін мойындаймын. Екеуміздің жанжалымыз болмаса, сол күні кешкі арамызда болған кейбір әрекеттерім болмаса, мүмкін ештеңе болмас еді", - деді Бишімбаев.

Бишімбаев Нүкеновамен қалай танысқаны, қарым-қатынастары туралы айтып берді. Баяндау барысында оған ескерту берілді. Мемлекеттік айыптаушы:

"Ол жымияды және күледі. Бұл да сот. Сен жай ғана жымиып қана қоймай, күлесің" – деді мемлекеттік айыптаушы.

"Сотталушы Бишімбаев, ешбір мысқылсыз, күлкісіз істің мән-жайын айтыңыз. Марқұмның туыстарына құрмет көрсетіңіздер», - деді судья оған.

Бұған жауап ретінде Бишімбаев сарказм көрсетпей, естеліктеріне қарап күліп тұрғанын айтты.

"Егер біреуді ренжіткен болсам, барлығынан кешірім сұраймын. Бұл менің мысқылдап тұрғаным емес. Тек ол туралы естеліктерім болса, олар жағымды естеліктер болып қалады, мүмкін бұл бейсаналы түрде орын алуы мүмкін", - деп жауап берді ол.

Сот 14:30-да жалғасады.