"Қар аралас жаңбыр, көктайғақ": 2-4 сәуірге арналған ауа райы болжамы жарияланды

Қазгидромет синоптиктері 2-4 сәуірге арналған ауа райы болжамын жариялады, деп хабарлайды Bugin.kz порталы. 

Синоптиктердің мәліметінше, Батыс антициклонының әсерінен еліміздің бірқатар өңірінде жауын-шашын біртіндеп тоқтайды. Ал солтүстікте, шығыста, оңтүстікте және оңтүстік-шығыста және  4 сәуірде күндіз республиканың батысында атмосфералық бөлімдердің өтуімен күн жауын-шашынды болады, қар аралас жаңбыр жауады. Түнде солтүстікте және шығыста көктайғақ болады.

Қазақстан бойынша түнгі және таңертеңгі сағаттарда тұман түсіп, батыста, солтүстікте және оңтүстікте екпінді жел соғады. Синоптиктер болжамына сәйкес, күндіз батыста және оңтүстікте ауа температурасы 15-22 градусқа дейін жылиды. Солтүстікте, орталықта ауа райы 10-17 градус, оңтүстік-шығыста 10-20 градусқа дейін жоғарылайды. Ал еліміздің шығысында 0-13 градустан, 2-10 градусқа дейін аздаған ауытқулар болуы мүмкін.