Сайлауға 25 млн доллар бөлінбек

Кезектен тыс Президенттік сайлауға Қазақстан үкіметі 25 млн доллар қаржы бөлмек. Бұл 9,4 млрд теңге деген сөз. Бұл жайында "Ашық НҚА" сайтына талқылау құжаты ілінді.

Қазақстан Республикасының қорынан, кезектен тыс туындаған жайттарға арналған қаражат бөлімінен, кезектен тыс Президенттік сайлауды өткізуге 9 404 771 000 теңге бөлінсін делінген құжатта.

Бұл қаржының 9 347 885 000 теңгесі ОСК-қа, 56 886 000 теңгесі сыртқы істер министрлігіне бөлінеді. Құжатты талқылау 29 сәуірге дейін жалғаспақ.