Қазақстанның тағы бір қаласында төтенше жағдай жарияланды

Петропавлда да төтенше жағдай жарияланды, деп хабарлайды Bugin.kz порталы.

Жағдай туралы қала әкімдігі мәлімдеді. 4 сәуірден бастап Петропавл қаласында төтенше жағдай режимі жарияланды.

“Сондай-ақ, кәріз коллекторлары мен суағарларға түсетін жүктеменің артуына байланысты, Абай көшесі бойындағы коллектор істен шыққан болатын. Кесірінен тұрғындардың қалыпты тыныс-тіршілігі бұзылып, бірнеше тұрғын үй су астында қалды.
Авариялық жағдайды жою және қоршаған ортамен тұрғындарға келтірілген шығынды минимизациялау мақсатында қала әкімінің шешімімен 2024 жылғы 4 сәуірден бастап Петропавл қаласының аумағында жергілікті ауқымдағы табиғи сипаттағы ТЖ режимі жарияланады”, – делінген ақпаратта.