“Қуанатын кез алда”: Жәнібекке анасы болуы мүмкін төрт әйелдің ДНҚ қорытындысы шықты

Танымал журналист Қымбат Досжан әлеуметтік желіде бельгиялық отбасы асырап алған қазақ баласы Жәнібекке қатысты жаңа деректі жариялады, деп хабарлайды Bugin.kz порталы. 

Журналист қан тапсырған 4 әйелдің анализінің қорытындысы шыққаннын хабарлады. 

"Қадір түні алдында сүйінші жаңалық бола ма деп күтіп едік. Тағы төрт әйелдің анализі 0 пайыз шықты… Тастанды сәбилерді қуыршақтар ауыстырғандай, ізін таппайтындай еткен ғой, Арқалық перзентханасы мен балалар үйі. Бірақ біз беріспейміз, қуанатын кез алда, Жани. Жауаптыларға тықыр таянды", – деді ол.