Алматыда өзендер деңгейі көтерілуі мүмкін

Алматыда жаңбырдан кейін су деңгейі көтерілуі мүмкін екені ескертілді, деп хабарлайды Bugin.kz порталы Sputnik-ке сілтеп.

Алматы қалалық төтенше жағдайлар департаменті 12 сәуірде қатты жауын жауып, таулы аймақтарда су деңгейінің көтерілуі ықтималдылығы жоғары екені туралы ақпарат таратты.

"Қауіпті белгілерден асқан жағдайда Алматы қаласының аумағына іргелес тау бөктері мен аудандарда, су тасқыны болуы ықтимал", - делінген хабарламада.

Жауынға байланысты Төтенше жағдайлар департаменті тұрғындарды арықтарды қоқыстан тазартуға шақырды.