Танымал миллиардер алаяқтық жасағаны үшін өлім жазасына кесілді

Хошимин қаласының соты 67 жастағы вьетнамдық кәсіпкер Чыонг Ми Ланды елдегі ең ірі банктердің бірін 11 жыл бойы тонағаны үшін өлім жазасына кесті. Бұл туралы Bugin.kz тілшісі BBC агенттігіне сілтеме жасап хабарлайды.

Қазақстан және шетел жаңалықтарын бірінші болып біздің Telegram арнамыздан оқыңыз!

Ван Thinh Phat Group конгломератының басшысы Чыонг Ми Лан Вьетнамда қаржылық қылмысы үшін өлім жазасына кесілген санаулы әйелдердің бірі.

Оның алаяқтығы бұрын-соңды болмаған дәрежеде ауқымды деп есептеледі. Труонг Ми Лан Сайгон коммерциялық банкінен жалған өтінімдер арқылы 304 триллион донг (шамамен 12,5 миллиард доллар) несие алғаны үшін кінәлі деп танылды.

Бірақ оның әрекетінен келтірілген жалпы шығын 27 миллиард долларға бағаланып отыр.Кейбір көзқарастарға сәйкес, сот қысым көрсету және ұрланған қаражаттың бір бөлігін қайтару үшін Труонгты өлім жазасына кескен.

Чыонг Ми Лан кінәсін мойындамай, қарамағындағыларды кінәлады. Оның отбасы мүшелерінің бірі Reuters агенттігіне үкімді апелляцияға беруді жоспарлап отырғанын айтты.

Вьетнам басылымдары бұл процестің егжей-тегжейін жазды. Олардың мәліметінше, 2700 адам куәлік етуге шақырылып, іске 10 мемлекеттік айыптаушы мен 200-ге жуық адвокат қатысқан.

Айғақты заттар жалпы салмағы 6 тонна болатын 104 жәшікке салынған. Чыонг Ми Ланмен бірге Вьетнам Орталық банкінің бұрынғы қызметкерлері, үкімет қызметкерлері мен SCB басшыларын қоса алғанда, тағы 85 адам сотталды және үкім шығаруды күтіп жатыр. Хошиминдегі сот отырысына 78 айыпталушы қатысты, қалғандарына іздеу жарияланған.