Бишімбаевтің бұған дейін адам қағып өлтіргені рас па?

Ішкі істер министрлігі бұрынғы Ұлттық экономика министрі Қуандық Бишімбаев баланы қағып өлтірді деген сөзге қатысты пікір білдірді,  деп хабарлайды Bugin.kz порталы Tengrinews.kz-ке сілтеме жасап.

Бұл туралы Салтанат Нүкенованың анасы хабарлаған болатын. 

“Өткенің туралы айтқың келмей ме? Баланы қалай қағып өлтіргенің туралы”, - деді ол сотта.

Министрлік бұл ақпаратқа қатысты түсініктеме берді.

"Бұл адамға қатысты қылмыстық қудалау және оны қылмыстық жауапкершілікке тарту туралы мәлімет жоқ екенін хабарлаймыз",- делінген ІІМ жауабында.