“Есімін ауыстырды”: Таиландтық қыз Маңғыстауға келін атанды

Таиландтық  Ихва есімді ару Маңғыстауға келін атанды, деп хабарлайды Bugin.kz порталы mangystaumedia.kz ақмарат порталына сілтеме жасап.

Енесінің айтуынша, бойжеткен келін болып түскеннен кейін ислам дінін қабылдаған. Тіпті есімін де Інжу деп ауыстырады.

"Балам Алматыда жоғары оқу орнын бітірді. Әлеуметтік желі арқылы танысқан. Онлайн курсқа қатысып жүріп танысыпты. Қарсы болған жоқпыз. Бірақ біртүрлі болып қалдық. "Барып келем, көріп келем" деді. Ұлымды он күнге Таиландқа жібердік. Барып, ата-анасымен танысып, үйленетін болып келді. Бәрі мақтап жатыр. Ағайын-туысқа да ұнап жатыр. Жылы жүзді. Бәрін тез ұғады, пысық. Түсіндіре алмай жатсаң, ұға қояды. Алғашында бәрі "Қой" деді. Біз бәріне дайын болдық. Баланың тағдыры ғой. Тағын жасап берсек те, бағын жасай алмаймыз. Мұсылман дінін қабылдаймын деді. Атымды қазақша қойып алыңдар деді. Есімін Інжу деп өзгертеміз деп отырмыз. Қазақстан туралы осыған дейін мүлде естімеген. Ұлым Мираспен танысқаннан кейін барып ондай елдің барын білген", - деді Ихваның енесі.