Су тасқынынан зардап шеккендерге үй салына ма әлде дайын баспана беріле ме?

Үкімет су басқан өңірлерде қолданысқа енгізіліп үлгерген су тасқынынан зардап шеккен азаматтарды қолдау тетіктерін әзірледі, деп хабарлайды Bugin.kz порталы. 

Өзге де шұғыл ақпараттарды Telegram арнамыздан оқи аласыз.

Үкімет су тасқынынан зардап шеккен азаматтарды қолдау тетіктерін әзірледі, ол қазірдің өзінде су басқан өңірлерде қолданылуда.

19 сәуірде Өнеркәсіп және құрылыс министрі Қанат Шарлапаев аталған қолдау тетігіне кеңінен тоқталды.

Мәселен, егер комиссия тұрғын үйді қалпына келтіруге жарамсыз деп танып жатқан жағдайда, оны шешудің екі жолы қарастырылған: жаңа тұрғын үй салу немесе дайын пәтер сатып алу. Бұл ретте азаматтардың өңірдегі ұсынылған елдімекендердің бірінде өздеріне қолайлы таңдау жасауға мүмкіндігі болады. 

Саяжай тұрғындары да мемлекеттік қолдау шараларымен қамсыздандырылады, егер жалғыз баспанасынан айырылған болса.

Әкімдіктер құрылыс салу үшін жер телімдерін таңдау жұмыстарын жүргізуде. Ақтөбе облысында тұрғын үй құрылысы басталып та кетті. 

Қостанай облысының Арқалық қаласында зардап шеккен 27 тұрғынға пәтер сатып алынды. Ақмола, Қарағанды және Павлодар облыстарындағы отбасыларға да жаңа баспана кілті табыс етілді.