БІЛІМ
Фото: Bugin.kz/ Ғайнижамал Арыстанбек
Бүгін, 22 сәуір – қазақ боксшылары арасынан шыққан тұңғыш әлем чемпионы Болат Нұретдинұлы Жұмаділовтің туған күні. Былғары қолғап шеберінің қара термен қаланған спорттық мансабы туралы Bugin.kz деректер ұсынады.
- Болат 1973 жылы Жамбыл облысы, Байзақ ауданы, Жетібай ауылында дүниеге келген. Алғаш 12 жасынан бастап бокспен айналысты. Оны шаршы алаңдағы шырғалаңға Феликс Цой машықтандырды.
- Ол қазақ боксшылары арасынан шыққан тұңғыш әлем чемпионы атағына АҚШ-тың Хьюстон қаласында қол жеткізді.
- Атланта, Сидней Олимпиадаларының күміс жүлделерін иеленіп, ТМД чемпионы атанған.
- Орталық Азия ойындарының және 2-ші Шығыс Азия ойындарының чемпионы болды.
- 1992 жылы Барселона Олимпиадасына жолдама ұтып алса да, әділетсіздіктің кесірінен жолы түспеді. Тәуелсіз Қазақстан құрамасы тек 1996 жылдан бастап Олимпиада ойындарына қатыса алды.
- Бүгінде қолғабын шегеге ілген ардагер спортшы шәкірт тәрбиелеп, бокстың дамуына өз үлесін қосып келеді.
Балерке ӘСІЛХАН
Қосымшаны жүктеп алыңыз
