QazaqGaz-дың төрағасы 1 миллиард доллар қарызы бар екенін айтты

"QazaqGaz" АҚ Ұлттық компаниясының төрағасы  Санжар Жаркешов "Jibek Joly" телеарнасындағы "Уәде" бағдарламасына сұхбат берді.

 "QazaqGaz" АҚ Ұлттық компаниясының төрағасы  Санжар Жаркешовтың айтуынша, аталмыш компанияның 1 миллиард доллар көлемінде қарызы бар.

"Қазіргі уақытта шамамен 1 млрд доллар көлемінде қарызымыз бар.

Бейнеу-Бозой-Шымкент магистралды газ құбырының бірінші тармағы жобасы бойынша Bank of China-ға қарызбыз. Ол негізі экономикалық өте тиімді жоба. Бұның табысы да жақсы. Соны біз қайтарып, кредиттерді жауып жатырмыз. Сондай-ақ басқа да өзіміздің жергілікті банктерге берешекпіз",-деді спикер. 

Журналистің компанияға келген уақытта реформаны неден бастадыңыз деген сұрағына Ұлттық компания төрағасы:

"Біріншіден, Ұлттық компания ішіндегі көлеңкелі схемаларға қатысты мәселені көтердік. Соны азайттық. Енді қаражат біреудің қалтасына емес, компанияға түсетін болды",-деп айтты.

Санжар Жаркешовтың мәлімдеуінше, қазіргі уақытта құзіретті органдар іс қозғап, анықтау барысында.