"Аңсап күткен сәбиі": Атырауда туған әкесі зорлаған егіздерге қатысты жаңа дерек шықты

Атырау облысында туған балаларын зорлаған әкеге қатысты жаңа деректер шықты. Бұл туралы Bugin.kz тілшісі "Не молчи" қорына сілтеме жасап хабарлайды.

Егіздердің анасы 43 жасында ұл мен қызды жасанды ұрықтандыру (ЭКҰ-авт) арқылы дүниеге алып келген. Балалар отбасының көптен күткен қуанышы болған екен. 

Әйел сонша зарығып өмірге алып келген балаларына туған әкесі қорлық көрсетеді деп ойламаған. Екі сәбиде де жарақат анықталып, әкесінің қорлығы белгілі болған.  

Балалардың анасы:

"Ол күндері мен ештеңе байқамадым. Байқамағаным үшін айыптымын. Бірақ мен қылмыскердің жазаланғанын қалаймын",-деп айтты.

Егіздердің анасы таңғы 6-дан кешкі сағат 20:00-ге дейін жұмыста болған. Ол балаларды реабилитациялауды талап етеді. Айтуынша, зорлық-зомбылық жарақаты қалмауы үшін балалармен көп жұмыс істеу керек. 

Қор желіде: 

"Не Молчи" қоры Атырау облысының прокуратурасына  және Атырау полиция департаментінің басшылығына жүгінеді. Біз бұл істің жан-жақты және жан-жақты зерттелуін талап етеміз. Ер адам басқа балаларды зорлауы мүмкін, отбасылар зардап шегеді! Мәселені жеке бақылауыңызға алыңыз: балаларды тексеру туралы барлық деректерді жинаңыз. Біз сондай-ақ балалардың суреттерін көрдік. Үш жасар балалар мұндай суреттерді қайдан алады? Олар "ауырады, әке жаман, әке мынаны істеді, мынаны істеді" дегенді қайталайды,-деп жазды.

Тергеу өткен жылдың 20 қарашасынан бері жүріп жатыр.

Балабақшада тәрбиешілер егіздердің бір-бірінен ажырамай жүретініне мән берген. Ұл баланың үлкен дәреті қан аралас болған. Балалардың анасы осы жағдайдан соң дәрігерге жүгініп, ұлының да, қызының да тоқ ішегінің қабырғасы  зақымданғанын анықтаған. Дәрігерлер балалардың зорланғанын айтқан.