Тасқын: Ел аумағындағы су қоймаларының жағдайы белгілі болды

Су қоймаларының қанша пайызға толғаны анықталды, деп хабарлайды Bugin.kz порталы.

Ел аумағындағы су қоймаларына өзендер мен көлдерге тасқын суларды жіберу туралы ақпарат белгілі болды.

Қазір БҚО-ның төрт ірі су қоймасында орта есеппен 88%-ы суға толғаны айтылды. Ал Ақмола облысында екі ірі су қоймасы 100%-ға толы.

Одан бөлек, Солтүстік Қазақстан облысындағы екі ірі су қоймасы 100%-ға толған. Ақтөбе облысында екі ірі су қоймасының орташа су жинау көрсеткіші 97%-ға толғаны хабарланды.

Шығыс Қазақстан облысында екі ірі су қоймасының орташа су жинау көрсеткіші 82,4%. Ал Абай облысында Шүлбі су қоймасы 39,8%-ға толды.

Қарағандыдағы үш ірі су қоймасы орта есеппен 98,6%-ға толса, Қостанай облысында екі ірі су қоймасының орташа су жинау көрсеткіші 92%.