Павлодарда кеме капитаны суға батып кетті

Павлодар облысында кеме капитаны суға батып кеткен, деп хабарлайды Bugin.kz порталы Pavlodarnews.kz-ке сілтеме жасап.

Оқиға Аққулы ауданында болған.

Облыстық Төтенше жағдайлар департаменті баспасөз қызметі 8 мамыр күні 23:25-те 102-ден Аққулы ауданының Шабар ауылы маңындағы Ертіс өзенінде кеме капитаны суға батып кетті деген хабарлама алғанын мәлімдеді.

Артынша суға батқан ер адамға 9 мамыр күні іздеу жүргізілген. Оқиға орнына 4 сүңгуірші жіберілді. Бір тәулікте жұмыс нәтиже бермеді. Іздестіру жұмыстарын су деңгейінің көтерілуі, қатты жел мен өзен ағыны қиындатып отыр. 

Бүгін таң атқанда кеме капитанын іздеу жұмыстары қайтадан жалғаспақ.