Су тасқынынан 315 адам қаза болды

Ауғанстанның солтүстігінде су тасқынынан 315 адам қаза тапты, деп хабарлайды Bugin.kz порталы.

Ауғанстанда тағы 1600-ден астам адам жараланған. Мұны Бағлан провинциясының әкімшілігі хабарлады.

Мыңдаған үй қирап, талай малды су алып кеткен. Жергілікті тұрғындар азық-түліксіз, баспанасыз қалғандарына шағымданып жатыр.

ЮНИСЕФ-тің дерегінше, құрбандардың ішінде 51 бала бар. Ал "Балаларды құтқар" қайырымдылық ұйымы су апатынан қатты зардап шеккен төрт ауданда 600 мыңдай адамның тұрып жатқанын мәлімдеп отыр.

Өткен айда Ауғанстанда дәл осылай жауған жаңбырдан кейінгі тасқыннан 70 адам қаза тапқан еді.