Қазақстан бұрынғы уақыт белдеуіне қайтатыны рас па?

15 мамырда Сауда және интеграция вице-министрі Қайрат Төребаев Мәжіліс алаңында Қазақстанға бұрынғы уақыт белдеуіне қайту туралы айтты, - деп хабарлайды Bugin.kz порталы. 

Елімізде бұрынғы уақыт белдеуін қайтару туралы петиция басталған еді. 15 мамырдағы мәлімет бойынша петицияға 4299 адам қол қойған.

"Әзірше біз басқа мемлекеттік органдармен бірлесіп қабылдаған ресми ұстанымды ұстанамыз, ол туралы ережеге сәйкес петицияның нәтижесін күту керек, егер сыни болса, біз жұмыс істейміз. 50 мың дауыс жиналса, үкіметте қайта қаралады", - деді ҚР Сауда және интеграция вице-министрі Қайрат Төребаев. 

2024 жылғы 29 ақпаннан 1 наурызға қараған түні бүкіл ел бойынша бірыңғай уақыт белдеуі  белгіленді.